Welkom op de site vaan de einegste echte Batjakkers.
Ut 5e sezoen kump d'r aon. Veer höbbe euze instruminte ut ganse jaor tösse de confetti en beerglazer oet gehawwe en zien dus aon de geng.
Umtot veer Verleef zien Op Mestreech zien veer de 17e november prezent beij de Tempeleers Opening vaan ut Vastelaovenssezoen 2019/2020.
Oppe 13e oktober 2019 waore veer 40 jaor aajd... Dus in 2020 goon veer veur de 41e kier mèt de Vastelaovend mèt...
Veur d'n vastelaovendscallepin en -informatie kint geer terech op www.tempeleers.nl .
Veur aander thema's klik g'r gewoen op e knupke.
Höb geer intresse in us, sjrief daan 'n e-mailke nao eus Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.... of bel... Jef van Heusden, tèllefoonnómmer 06-54977845 ... ouch veur bokinge, ideekes en wat daan ouch veur vräögskes euver us ...
Loert en huurt... Veer zien d'r mèt èn ouch boete Vastelaovend!
Veer es Batjakkers zien bekans ut ganse jaor present
Kiek daorum regelmaoteg in euze callepin!
Eus site blijf altied in oontwikkeling... Zeet geer fuitsjes, e-mail die daan door nao eus Brevebös...
Zeet geer 'nne daotum of e jaortal neet bij eus fotocollages? Daan zien dao (nog) gein foto's vaan bekind of gepubliceerd. Die höb geer mesjiens?!
Höb geer foto's, filmpkes, geluidsopnames vaan of euver us veur us? Sjik ze daan nao ut e-meel-adrès vaan euze brevebös (rechstreeks kleiner daan 5 MB òf via wetransfer.com tot 2 GB). Daanke!
Veer zien d'r ouch boete Vastelaovend! Volg euze callepin.
Weer of gein weer... Vastelaovend vluig door eus kleier en blood...
Eus foto's weure (hopelik ouch door uuch) regelmaoteg weer aangevöld...
'nne Groete perfisia aon Gerald (Trompöt), Patrick (Sous) en Guido (Euphonium) mèt hun prinseleke medaaljes vaan 't Soppegreun die zie alle dreij kraoge nao de Tempeleersmès oppe Zoondag de 16e Fibberwarie...
Mestreech, 'nne groete perficia
aon euze Vastelaovends-veurgenger vaan 2020 :
Stadsprins Luc d'n Twiede vaan Groet Mestreech.
Ut weurt weer grandioos!
Veer zien allemaol ... Verleef op Mestreech!
In memoriam ... Leon Herben
20 december 2019, Mestreech
Euze steunpileer Leon Herben is nao Slivvenier euvergegaange.
Heer waor same mèt zien vrouw Leny Herben-Christiaans gans verweve mèt eus zaate herremenie en altied es trouwste supporter mèt us begaange
Veer zien gruuts tot zien gezin ouch mèt us waor verweve...
Conny, zien dochter, is mèt häöre maan Arne en zäöns Emile en Ward vaan eus supportersklup roond Vastelaovend e groet deil
Ouch höbbe zien zäöns Guido - mèt zien vrouw Elianne es steun - en Ralph - mèt zien vrouw Susanne - altied es muzikant 'n groet Batjakkers-aondeil.
Ralph's zoon Thijmen späölt ouch 'ns deuntje mèt
Dus is ut noe tot geer wèt....
Tot heer, ouch nog 'ns es neef vaan Jef, uzze opper-Batjakker en trompettist,
Nog hiel väöl inbring heet en dus hiel erg weurt gemis.
Zien leve op eerd waor jaorelaangk vaan hiel väöl weerde mèt väöl vräög, aof en tow e bitteke dreufde meh hiel väöl ammesatie.
Heer waor 'nne maan vaan Mestreechse bojem en altied mèt eus Zaate Hermenie begaange.
Same mèt zien vrouw waor heer gere gezeen bei eus Zaate Hermenie en in, dörve veer te stèlle, gans Mestreech.
Noe is heer veur us veur altied 'n deil vaan ut Staareleech...
Veer hope same mèt aandere dat gaat e bitteke te kinne völle...
Dat weurt allein hiel meujlek in elkaar te fisternölle...
Aon zien femilie :
Veer deile eur verdreet,
meh vergete Leon neet,
Heer waor neet allein 'nnen echte Batjakker, peer, sjoenpeer en grampeer, meh nog väöl mie!
Leon... Adie.